[c]
Дэлхийн машин үйлдвэрлэлийн томоохонд орох Toyota Motor Corp. компанийн ерөнхийлөгч Акио Тойода (Akio Toyoda) газын хөшүүрэгт нь гэмтэл байсны улмаас Toyota маркийн хэдэн сая машинуудыг дэлхийн даяар эргүүлэн татаж байгаадаа машины эздээс нь уучлалт гуйсан тухай AFP агентлаг мэдээлжээ. Хэрэглэгчид ийм эвгүй байдалд орсонд нь бид их харамсаж байна” гэж Акио Тойода NHK-д ярьсан байв. Компани үүссэн асуудлын учрыг олж хэрэглэгч нарын эргэлзээнд тайлбар өгөхөөр ажиллаж байна гэж тэр хэлсэн байна. Европ, Америк, Хятадаас эргүүлэн татсан хэдэн сая машиныхаа эвдрэлтэй эд ангийн шинэ дизайныг хийгээд байгаагаа уг компани өнгөрсөн пүрэв гаригт мэдэгдсэн билээ. Гэмтэлтэй эд ангийнх дизайныг АНУ-д байдаг CST Corp. хийсэн ба шинэ хөшүүргийг Японы заводад нь шууд илгээж байх гэнэ. Өнгөрсөн долоо хоногт Японы коампани АНУ-ын зэх зээлээс найман загварынхаа 2,3 сая машиныг эргүүлэн татахаар зарласан юм. Тэдний акселераторт нь дефект илэрчээ. "Королла", "Камри", "Авалон", "Матрикс" ба газар сайгүй явагч RAV4, "Хайлэндер", "Тундра", "Секвойя" загваруудын худалдааг зогсоогоод байгаа нь уг компанийн түүхэнд байгаагүй хэрэг болж байна. Дараа нь компани Европоос хоёр сая машинаа татахаар болов. Японы компани 2008 онд 8,97 сая машин худалдаж General Motors компанийн 77 жилийн худалдааны ноёрхолыг тасалж байлаа. Гэхдээ компани 2008 онд 4,8 тэрбум ам.долларын алдагдал хүлээсэн ба энэ жилд 8,9 тэрбумын алдагдал гарна гэсэн урьдчилсан тооцоотой байна.