Баасан гарагийн үүрээр Японы хөлөг онгоц Кунашир арлын нутгаар хил нэвтэрч, хамгаалагчдын зогсохыг шаардсан шаардлагыг биелүүлээгүй учир гал нээсэн гэж Оросын эргийн Аюулаас хамгаалах газрын Сахалины эргийн хамгаалалтын алба мэдээлсэн байна. Анхааруулах үүднээс агаарт буудсаны дараа эргийн хамгаалагчид нисдэг тэрэгнээс Японы хөлөг онгоц руу бууджээ. Үүний дараа хөлөг онгоцыг зогсоон Японы Раусу боомт руу буцаажээ. Энэ хэргийг Японы талтай хамтран шалгаж байгаа гэж дээрх мэдэгдэлд дуржээ.

Японы хойд нутаг, Оросын Өмнөд Курилд оршдог дөрвөн арлыг 1945 онд Зөвлөлтийн арми эзлэн авсан бөгөөд одоогоор Оросын тал хяналтад байдаг юм. Дэлхийн II дайнаас хойш Орос-Япон улс найрамдлын гэрээ байгуулж чадаагүй байгаа учир дөрвөн арал бүхий бүс нутгийн талаар тус хоёр улс удаан маргаж байгаа билээ.

С.Отгонбаяр Монцамэ агентлаг