Тэрбээр Маяачуудын нууцыг он тооллоор тайлсан бөгөөд хүн төрөлхтөн мөхөн үгүй болж, дахин шинээр төрнө хэмээн тэр таамаглал хийгээд байгаа ажээ. Дахин шинээр төрөх хүмүүс нь дөрвөн өөр өнгө зүстэй, дөрвөн өөр өнгийн нүдтэй, дөрвөн өөр өнгийн үстэй, дөрвөн өөр өнгийн хүнст хүмүүс байх гэнэ. Тэдгээр нь тэгээд жинхэнэ бурхад байх ажээ. Ш.Эрдэнэчимэг хөх толботой монголчуудаа «Алаг хорвоо» хэмээн нэрлэжээ.

Дэлхийн хөгжлийн түүхийн хүрд дотор хуйлран бүтээгдсэн. Харин хүн төрөлхтөн өөрсдөө эртнээс «Бичин идэвхжих мөчлөгөөр» буюу буруу хуйлран эргэж, буруу замаар будаа тээж, буцахдаа шороо тээсээр мөсөн нүүрт бурхадтайгаа нүүр тулан учирч байна хэмээн хэвлэлийн бага хурлынхаа үеэр мэдэгдсэн юм.

Тэрээр энэ бүхний учир шалтгааныг байгалийн баялгийг зүй бусаар ашиглаж, газраа сэндийлж байгаатай холбон тайлбарлалаа. Алт нь газрын оёос болдог бөгөөд оёог нь ханзлахаар газар дэлхий задрах нь ойлгомжтой. Одоо болон ирээдүйд болох байгалийн аюулыг урдчилж зөн совингоороо мэдэж холбогдох бүх газарт сануулдаг ч түүний үгийг тоодоггүй гэнэ. Энэ жилийн их хүйтрэлт, малын хорогдол, халдварт өвчин зэргийг 2009 онд хэвлэлийн хурал зарлан анхааруулж байсан ч энэ мэдээлэл олон түмэнд дамжаагүй гэлээ. Цаашид цаг агаар таван cap хүртэл хүйтэрч, зун нь үер болж, 50 градус даван халж, өвөл нь 60 градусаас давж хүйтэрнэ гэдгийг тэр сануулж байна билээ. Мөхлийн үед газар 20 баллын хүчтэй хөдөлж, ангал руу бүх зүйл унаж сүйрнэ гэнэ. Энэ бүх таамаглалаа нэгтгэсэн «Алаг хорвоо» гэдэг ном гаргажээ. Номын нээлт энэ сарын 28 нд болох аж.

Л.Шүрэнцэцэг