Хонда компани 378 мянга 758 машиныг аюулгүйн дэрний хий шахагчийн эвдрэлээс болж хэрэглэгчдийн гар дээрээс буцаан татах шийдвэр гаргажээ. Энэ тухай "Нью-Йорк таймс" мэдээллээ. Шинжээчдийн өгсөн мэдээллээр бол осол болох үед аюулгүйн дэр жолоочийг хэт хүчтэй цохисноор биед хүнд гэмтэл учруулах эсвэл бүр үхэлд хүргэж ч болзошгүй байдаг гэнэ. АНУ-д зөвхөн 2010 оны хоёрдугаар сар гараад тус фирмийн машиныг унаж явсан 12 хүнд ийм явдал учирснаас тэдний нэг тохиолдол нь жолоочийг үхэлд хүргэсэн байна. Буцаан татах шаардлагатай байгаа машинуудын ихэнх хувь Америкт зарагдсан бөгөөд 2001-2002 онд үйлдвэрлэгдсэн Accord, Civic, Odyssey болон CRV маркийн машинууд байгаа юм. 2008 оны 10 дугаар сард дээрх шалтгааны улмаас Хонда Civic, Accord маркийн 3 мянга 900 орчим тооны машиныг буцаан татсан бол өнгөрсөн оны намар Америкийн замын хөдөлгөөний аюулгүйн албад 440 мянган ийм машин замын хөдөлгөөнд оролцож байгаа тухай мэдээлжээ.