Италийн "Соёл урлагийн өвийн үндэсний хороо" Леонардо да Винчийн булшийг ухахаар зэхэж байна. Тэд сэргэн мандалтын үеийн нэрт зураачийн булшийг нээх зөвшөөрлийг холбогдох албаныханд албан ёсоор тавьжээ. Энэ үндэслэлээ "Леонардо 1519 онд 67 насандаа Амбуазе хотод таалал төгссөний дараа түүнийг оршуулсан сүм Францын хувьсгалын үед устаж үгүй болсноос булшийг 1874 онд өөр газар руу шилжүүлсэн. Үүнээс үүдэн булшинд үнэхээр Их зураачийн цогцосны үлдэгдэл байгаа эсэхийг олж тогтоох. Үүний тулд шүд болон яснаас дээж авч Болона хотод оршуулсан их зураачийн гэр бүлийн гишүүдийн цогцосны үлдэгдэлтэй харьцуулж ДНК-ийн шинжилгээ хийх зорилготой" хэмээн тайлбарлаж байгаа юм. Мөн байнгын маргааны сэдэв болсон алдарт "Мона Лиза" зураг нь Их зураачийн өөрийнх нүүр царайны зураг мөн үү биш үү гэдгийг олж тогтоох бодолтой байгаа гэнэ. Америкийн зураач Шварц болон зарим судлаачид Леонардогийн өөрийнх нь зургийг "Мона Лиза"-ийн зурагтай харьцуулж үзээд дөрвөн шинжээр ижил байна гэсэн дүгнэлтэнд хүрээд байгаа билээ.