---

Улаанбаатар таймс сонин
"20 дугаар зуун”-ы эзэмшдэг "News” корпораци нь кино ертөнцөд хамгийн их шуугиан тариад буй "Аватар” киноны бүтээгч Жеймс Камеронд киноны үргэлжлэлийг хийх саналыг тавьжээ. Корпорацийн эзэн болох Руперт Мердокийн мэдээлснээр "Камеронд хоёрдугаар хэсгийг бүтээхэд хэд хэдэн сайхан санаа байгаа.
Түүний нэгийг нь амьдралд хэрэгжүүлэхээр зэхэж байна. Бид үүний төлөө явна. Нэг үгээр хэлбэл хэлэлцээрийн эхний шат явж байгаа гэхэд болно” гэжээ. Харин шинжээчдийн үзэж байгаагаар бол энэ кино ойрын хугацаанд гарах боломжгүй. Учир нь Камерон өөрийн төслүүд дээр маш нухацтай ханддаг тул хугацаа шаардах нь зүйн хэрэг гэж үзэж байгаа аж. Гэхдээ ямар ч байсан хаана хаанаа хоёрдугаар хэсгийн тухай аль хэдийнэ бодоцгоож амжсан нь энэ бүхнээс илэрхий байна. Үүнээс гадна Мердок Аватарыг CD дээр буулгасан хувилбарыг ирэх зургадугаар сарын 30-наас өмнө худалдаанд гаргахаа амласан байна. Гэхдээ үүнийг 3D технологи дээр хийх боломжгүй гэдгийг тэрбээр онцлон хэлжээ.

---