Алдарт мөрдөгч Шерлок Холмс ганцаараа харин гэмт хэрэгтнүүд олуулаа байлаа. Хэдийгээр түүний үеийн криминиластик өнөөгийнхтэй харьцуулашгүй байсан ч кримналистикийн шинжлэх ухаан хөгжсөн орчин үед ч зарим дуулиан тарьсан хэргүүд тайлагдаагүй хэвээр үлддэг юм. Оросын нэгэн хэвлэл мэдээллийн агентлагаас гаргасан хамгийн алдартай арван хэргийг та бүхэнд сонирхуулья.

Цагдаа нараар даажигнагч алуурчин
1888 он биеэ үнэлэгчдийн хувьд тун таагүй жил байлаа. Лондонгийн Уайт¬чепед дүүрэгт наймдугаар сараас 11 дү¬гээр сарын хооронд таван биеэ үнэлэгч алагджээ. Тэд бүгд хоолойгоо хэрчүүлсэн байсан нь цагдаа нар цуврал аллагыг нэг хүн үйлдсэн гэж таамаглахад хүрчээ. Энэ хэргийг үйлдсэн Жек Потрошитель баригдахгүй байгаадаа ёстой л нэг эрдсэн нэгэн байв. Тэр ч бүү хэл тэрбээр цагдаагийн газар руу өөрийн золиос болсон хүний бөөрийг шуудангаар илгээж байжээ. Тухайн үед цуврал аллага цоо шинэ үзэгдэл байхын зэрэгцээ Потрошителийг алуурчин гэж итгээгүй ард иргэд түүнийг эрэн сурвалжлахад ихээхэн дургүйцэж Лондонгийн цагдаагийн комиссар ажлаасаа халагдаж бай¬жээ.

Сэтгүүлчид рүү илгээмж явуулдаг "Зодиак”
"Хүмүүсийг алах надад таалагддаг, яагаад гэвэл хөгжилтэй байдаг” гэж Сан-Франциско хотын нэгэн сонины редакцид Зодиак гэгчээс ирсэн нууц шифрт захианд бичсэн байлаа. 1969 онд тэрбээр хотын иргэдийг ангуучилж, таван хүнийг "цааш харуулж”, хоёр хүнийг шархдуулаад байв. Хамгийн хачирхалтай нь Зодиак цагдаа нар болон сэтгүүчидтэй тоглож байлаа. Нэгэн удаа тэрбээр золиос болсон нэг хүнийхээ цусанд будагдсан цамцны тасархайг сонины газар руу илгээжээ. Сэтгүүлчид нийтдээ гинж шиг цагариг холбон дүрсэлсэн 20 гаруй илгээмж ээлж дараалан авсан гэдэг. 2004 онд энэ хэргийг хаасан ч гурван жилийн дараа дахин сэргээжээ.