Нимгэн, жин багатай нэтбүүк эсвэл мэдрэгчтэй дэлгэцэнд суурилсан iPad зэргийн таблет компьютер сонирхогчдод зориулан АНУ-ын Dell компани Inspiron Duo загварын таблет нэтбүүкээ танилцууллаа. Энэхүү бүтээгдэхүүн нь таблет болон нэтбүүкийн хамгийн сайн гэгдэх бүхнийг нэгтгэсэн цоо шинэ бүтээл болжээ. Inspiron Duo нь 10 инчийн мэдрэгчтэй дэлгэцтэй, дэлгэц нь хүрээнийхээ дотор талд бүрэн эргэх юм. Бусад үзүүлэлтийн тухайд Atom N550 процессортой, Broadcom Crystal HD accelerator-той, 2GB RAM-тай бөгөөд Windows 7 Home Premium үйлдлийн системтэй юм. Ирэх сараас эхлэн худалдаанд гарах Inspiron Duo 549 ам.долларын үнэтэй.