1930-аад оны үед Белорусыг хамарсан аймшигт өлсгөлөнг түүхчид ОХУ, Украинтай холбон үздэг. Саяхан ил болсон нууц баримтаас үзвэл уг өлсгөлөн ямар аймшигтай үр дагавар авч ирснийг мэдэж болохоор байна.
Уур хилэн нь бадарсан эмэгтэйчүүд талхны мухлаг руу дайран орж, бүгдийг нь цөлмөв. Мухлаг руу орж чадаагүй зарим нь талх ачсан машиныг хөмрөх дөхсөн байв. Засгийн газрын зүгээс хүнсний бүтээгдэхүүн олголтыг хязгаарлах ээлжит мэдэгдлээ гаргасан нь энэхүү үймээний шалтгаан болсон юм. Энэ удаад эрх мэдэлтнүүд шатлалын дагуу хүн бүрт 100-200 грамм талх олгох шийдвэр гаргажээ.
