Тохиргоог хийхдээ Control Panel руу орж System айкон дээр товших, эсвэл My Computer айкон дээр хулганы баруун товшилтоор System properties-д нэвтэрнэ. Advanced tab-ийг сонгоод Performance хэсгийн Settings товчлуурыг товшиход гарч ирэх Performance Options диалог цонхны Advanced табийг товшиж орно.

Доод талын virtual memory хэсгийн change товчлуурыг дарахад Virtual Memory диалог цонх гарч ирнэ. Сustom size хэсэгт пэйж файлийн анхдагч (initial size) болон үнэмлэхүй (maximum size) хэмжээг нэг ижил зааж өгнө.

Пэйж файлд хэдий хэмжээний зай байвал хангалттай вэ?

Windows XP үйлдлийн систем пэйж файлын хэмжээг системийн санах ой буюу RAM-наас 1.5 дахин их байхаар автоматаар тохируулдаг боловч энэ нь тэр бүр оновчтой байж чаддаггүй. Учир нь бодит хэрэглээнд суулгасан RAM-ний нийт хэмжээ болон ашиглаж байгаа программын тооноос хамаараад пэйж файлын хэмжээ нь тодорхой компьютер бүрт их, бага янз бүр байж болно.

Ийм учраас компьютерийнхээ санах ойн ашиглалт хэр байгааг эхлээд шалгаж үзэх хэрэгтэй. Үүнийг task manager ашиглаад хамгийн хялбар аргаар тодорхойлж болно. Юуны түрүүнд компьютерээ ердийнхөөрөө ашиглаж, санах ой их шаарддаг хэрэглээний программ ажиллуулж, текстур ихтэй орчин үеийн хүнд тоглоом аль болох удаан тоглоод үз. Дараа нь task manager/performance табыг товшоод санах ойн тухай мэдээллийг харцгаая.

- Эхний тохиолдолд Windows Task Manager-ийн Performance цонхонд байгаа Physical Memory (K) хэсэгт компьютерт суулгасан RAM-нийхаа нийт хэмжээ (Total 1046944 К) ба ашиглагдаагүй сул (Available 448612 К) RAM-ны хэмжээг харагдаж байна. Мөн зүүн доот талын Commit Charge (K) хэсэгт яг тухайн үед ашиглагдаж байгаа нийт санах ойн хэмжээ (Total 495168 К буюу 483 Мб) болон компьютер ассанаас хойш ашиглагдсан санах ойн үнэмлэхүй дээд хэмжээг (Peak 633792 К) харж болно.

Одоо RAM буюу шуурхай санах ойн нийт хэмжээнээс компьютерт ашиглагдаж байсан үнэмлэхүй дээд хэмжээг хасаад ямар дүн гарч байгааг үзэцгээе. Тухайн тохиолдолд 1046944-633792=413152 К болж байна. Үүнээс үзвэл уг компьютерт RAM-ний ашиглалт дөнгөж талаасаа илүү, пэйж файлийн ашиглалт 480-490 Мб-аас хэтрэхгүй байгаа тул санах ой чухам хангалттай. Энэ тохиолдолд пэйж файлийн хэмжээг 590 Мб-аар (490 Мб дээр цаашид хэрэглээний явцад өсч болзошгүй 90-100 Мб орчмыг нэмэх хэрэгтэй!) санаа амар тохируулж болох нь байна.

- 2 дахь тохиолдолд яг тухайн үед ашиглагдаж байгаа нийт пэйж файлын хэмжээ (188 Мб) бага боловч ашиглагдсан санах ойн үнэмлэхүй хэмжээ (Peak 758064 К) нийт санах ойн хэмжээтэй (Total 785904 К) ойролцоо, өөрөөр хэлбэл уг компьютер RAM-аа бараг бүрэн ашиглаж байна.

Гуравдах тохиолдолд тухайн үед ашиглагдаж байгаа нийт пэйж файлийн ашиглалт (537 Мб), харин ашиглагдсан санах ойн үнэмлэхүй хэмжээ (Peak 700480 К) хүрч байсан нь нийт санах ойн хэмжээнээс (Total 523184 К) нэгэнт хэтэрчээ.

Өөрөөр хэлбэл уг компьютер RAM хүрэлцээгүйн улмаас пэйж файл буюу виртуал санах ойдоо тулгуурлан ажиллаж байна.

Пэйж файлийг хатуу дискний гадна захын трэкүүдэд шилжүүлэх нь бүтээмжийг мэдэгдэхүйц сайжруулдаг. Учир нь хатуу дискний гадна захын трэк нь дундын болон төвд ойр трэктэй харьцуулахад илүү хурдтай учраас нэгж хугацаанд дискний толгойн уншиж, бичиж чадах өгөгдлийн хэмжээ хамгийн их байдаг. Жишээ нь төвд хамгийн ойр трэкийн нэвтрүүлэх чадвар ойролцоогоор 30Мб/с байхад хамгийн гадна талын трэкийнх 59Мб/с буюу бараг 2 дахин их байдаг аж. Тэгэхлээр төвд ойр трэкэнд байрласан пэйж файлийг гадна захад шилжүүлэх тохиолдолд бүтээмжийн хувьд хоёр дахин хожоо гарах нь ээ хэхэ за за нэг иймэрхүү байхад болох байхаа .