Иран, Йемен, БНХАУ-ын бөхчүүдийг дараалан ялснаар аваргын алтан медалийн
төлөө барилдах эрхтэй болсон ОУХМ Г.Мандахнаран ийнхүү Японы бөхөд оноо
алдалгүй ялалт байгуулснаар Монгол Улсын түүхэн дэх Азийн наадмын 13
дахь аварга болсон юм.
Монгол улсын төрийн далбаа тэнгэрт мандаж сүлд дуу эгшиглэх үед Монголын хөгжөөн дэмжигчид зал доргитол сүлд дуугаа дуулж аварга маань нулимс унагажээ. Манай аваргад ялагдсан Японы бөх мөн нулимс унагааж бусад орнуудын тамирчны нүдэнд ч хяруу байлаа.
Монголчууд үүнийг ихэд бэлэгшээж Монголчууд алтан медалийг ихэрлүүлдэг улс тиймээс дахин алтан медаль олныг авч эх орондоо ирнэ гэж ам өглөө. Чөлөөт бөхийн арвин сайхан түүхтэй Монгол улсын хувьд дахин медаль авахгүй гэхийн араггүй мөн боксын төрөлд ч гэсэн Ж.Отгонжаргал эхний тулаанаа Афганистаны боксчин Нажибллах
Азимитай хийж, 6:1 харьцаагаар ялснаар шөвгийн наймд шалгарч, улмаар
Филиппиний Уилфредо Лопезийг 7:1 харьцаатай буулган авсан билээ. Тэрбээр
өнөөдөр 16.15 цагаас мөнгөн медалийн төлөө дэлхийн хошой аварга, 2009
оны Миланы дэлхийн аваргын хүрэл медальт, "Доха-2006” наадмын хүрэл,
2007 онд Улаанбаатар хотноо болсон ААШТ-ий алтан медальт, Казахстаны
шилдэг тамирчин Серик Сапиевтай тулалдах бөгөөд ялсан тохиолдолд аваргын
алтан медалийн төлөө өрсөлдөх эрхтэй болох юм.
