---

Та бодоод үз дээ таны төсөөлснийг компьютер тоглоом чинь хийнэ. Тиймээ бараг л мөрөөдөл биелж байна. Саяхан удирдлага шиг зүйлээр савлаж бариад л тоглодог Nintendo Wii гэдэг компьютер тоглоомын архитектур гарсан тэгвэл одоо бодлоороо тоглох нь.

Emotiv компани уг мөрөөдлийг бодит болголоо. Тэдний гаргасан толгойдоо зүүж болох тархины энерги мэдрэгч төхөөрөмж нь таны хийхийг хүсч байгаа үйлдэл, сэтгэлийн хөдлөл зэргийг мэдрэн түүнийг тань таний тоглож байгаа тоглоомон дээр биелүүлэх юм байна.

Энэхүү төхөөрөмж нь бүр хүний нүүрний хувирал буюу уурлах, гомдох, уйлах, за бүр цаашлаад ямар нэг юмыг түлхэх татах гээд л бараг л бүх л зүйлийг мэдрэх боломжтой ажээ.

Энэ төхөөрөмжийг тэдний гаргасан тусгай тоглоомон дээр ашиглан тоглож болохоор зогсохгүй зүгээр энгийн тоглоомон дээр хүртэл тоглож болох юм байна. Гайхалтай биш гэж үү.

Та одоо бүр авмаар санагдчихсан сууж байгаа байх. Энэ төхөөрөмжийн үнэ таны төсөөлснөөс хавьгүй хямд. Одоо зарагдаж байгаа эхний үнэ нь 299 ам.доллар. Та үүнийг http://www.emotiv.com/ -с авах боломжтой юм.

Бүр энүүгээр онлайн тоглоом тоглож, чатлаж, дуугаа вэбэд хуулах гэх мэт бүр их зүйлийг хийж болно гэхээр итгэмээргүй юм.

Харин уг компани алсдаа IBM корпорацитай хамтран компьютер тоглоомноос хавьгүй өндөр түвшин буюу компьютерийн интерфэйсийг бодлоороо удирдах төсөл хийж байгаа юм байна. Бүр хулганаа бодлоороо удирдаж байна гээд төсөөлчихлөө. Хөгжлөө гэж.

---