---

Попын хаан Майкл Жэксоны таалал төгссөн нэг жилийн ой тохиох гэж байна.  

Энэхүү хүндэтгэлийн өдөр буюу маргааш Лондон хотын Лайрик театрт домогт дуучны  шүтэн бишрэгч, дотны нөхөд нь домогт дуучныг дурсах, алдаршуулах арга хэмжээг зохион байгуулахаар болжээ. Жэксон уг театрт Thriller тоглолтоо тавьж байсан юм.

Түүнээс гадна дуучны хүүхдүүд болох Принс, Парис, Бланкит нар ирэх есөн сараас эхлэн анх удаагаа сургуульд явж эхлэх юм байна.

Жэксоны ээж Кэтрин хэлэхдээ, ”Миний ач нарт  ямар ч найз байгаагүй. Тэд олны хэл амаас зайлсхийн гэрийн багшаар хичээл заалгаж байсан. Харин одооноос эхлэн тэд бусад хүүхдийн адил сургуульд суралцах болно. Ач нар маань каратэгээр хичээлэх, усанд сэлэх маш дуртай. Сургуульдаа ч мөн адил явах дуртай байна гэдэгт итгэлтэй байна” гэж ярьжээ.

Г.Ану Punk.мн

---