---

Компьютерт донтох эмгэг нь олон цагаар амралтгүй тоглох замаар үүсдэг байна. Иймээс хүүхдүүдээ компьютер тоглох цагийг нь зохицуулах хэрэгтэй. Компьютерт донтох эмгэг нь ямар муу нөлөөтэй болохыг хүүхдэд ойлгуулан тайлбарлаж, хичээл номоо хийж буй зэрэгт нь анхаарал тавих нь чухал.

Компьютерт донтох эмгэгээс урьдчилан сэргийлье гэвэл, энэ эмгэг үүсэхээс нь өмнө сэргийлэх хэрэгтэй. Компьютерт донтох эмгэг нэгэнт үүссэн үед эмчлэхэд нэн бэрхшээлтэй байдаг. Эмчилгээ сувилгаанаас гадна цаг хугацаа их ордог тул анхнаас нь урьдчилан сэргийлэх нь хамгийн амар хялбар арга юм.

Компьютерт донтох өвчин нэгэнт үүссэн бол хүүхдийн мэдрэл сульдаж дараах шинж тэмдгүүд илэрнэ. Үүнд,
-Нойргүйднэ,
-Хар дарж зүүдэлнэ,
-Хичээлээ ойлгохгүй болно,
-Хичээл номондоо идэвхгүй болно,
-Анхаарал нь амархан сарнидаг болно,
-Юм амархан мартана,
-Оюуны чадвар нь муудна,
-Ядарч сульдана,
-Нүд нь татна,
-Дур сонирхол буурна,
-Хоолонд муудна,
-Толгой их өвдөнө,
-Нүд хөшнө, нулимс гоожин улайж, загатнана,
-Эцэст нь сэтгэцийн өөрчлөлт гардаг учир эхнээс нь хүүхдээ ажиглаж дээрх илэрлээс урьдчилан сэргийлэх нь чухал юм.
Хэрэв эдгээр шинж тэмдэг үүсэх дохио мэдэгдвэл сэтгэцийн эмч, сэтгэлзүйчид нэн даруй хандах шаардлагатай.

---