---

Та бүхэн Оддын дайн киног мартаагүй байхаа. Магадгүй зарим нь одоог хүртэл үзсээр л байгаа байх. Кинон дээр гардаг Гэрэлт Сэлэм буюу Light Sabre -г мэдэхгүй хүн бараг дэлхийд үгүй. Харин энэхүү сэлмийг хорт хавдрын эсрэг хэрэглэх боломжтойг нэгэн эрдэмтэн олж мэдсэн байна. Ердөө хэдхэн мм -ын урттайгаар уг сэлмийг Шилэн Кабелийн үзүүрт хийсэн бөгөөд түүгээр хорт хавдрыг таслаад зогсохгүй үлдэгдлийг нь шатаах боломжтой ажээ.

Бид Лазерын гэрлийг эрүүл мэндэд ашиглаж болохыг хэдхэн жилийн өмнө нээсэн бөгөөд одоог хүртэл мэс ажилбарт ямар нэг зүйлийг гэмтээлгүй таслах, шарахад хэрэглэж байгаа билээ. Харин энэхүү гэрэлт сэлмийг бүтээснээр урт үргэлжилсэн туяаг биш хэдхэн мм үргэлжлэх туяаг гаргах авч байгаа юм байна. Энэ туяаны тусламжтайгаар хавдрыг таслаад зогсохгүй үлдэгдэлд нь нүх үүсгэж өгөн химийн эмчилгээ хийхэд том боломж гаргаж өгөх аж.

Шинэ технологи нь 5 жилийн дараагаар эмнэлэгт ихээр хэрэглэгдэх магадлатайг эрдэмтэд баталж байна. Шотландын University of St Andrews -ын багийнхан уг гайхалтай төхөөрөмжийг амжилттай бүтээж чадсан ажээ.

Уг багийн ахлагч Доктор Gunn Moore -ын үзэж буйгаар шинэ бүтээл нь Alzheimer's disease гэх өвчнийг анагаахад маш их ач тус хүргэх юм байна. Энэхүү өвчин нь төв мэдрэлийн системийн гэмтэлтэй холбоотой бөгөөд ихэвчилэн өндөр настангуудад тусдаг солиорлын хэлбэрийн өвчин аж.

---