---

9.57 Mb ТАТАЖ АВАХ

Толь 5-д юу нэмэгдэв?
1. Stardict-ийн толь бичгүүдийг ашиглана.
2. Дэлгэц дээрх дурын үгийг авна.
3. Үгийг авахдаа хувирал дээр автоматаар ажиллана. Stories->Story
4. Өөрийгөө интернэтээс автоматаар Update хийнэ.
5. Цэвэрхэн хийцтэй, энгийн, хурдан ажиллагаатай.
6. Install хийнэ.
7. Баннерын системтэй.

Түгээмэл Асуулт, Хариултууд (ТАХ):

-Би яаж шинэ толь суулгах вэ?

- Babylon толийг монголчууд өргөн дэлгэр хэрэглэдэг. Түүнд байдаг толь бичгийн өргөн сонголт нь ашиглахад түлхэц өгсөн нь тодорхой. Тэгвэл Babylon-ы толь бичгийг Stardict руу хөрвүүлсэн байх бөгөөд та эдгээр толинуудыг Толь 5-д чөлөөтэй ашиглаж болно. http://reciteword.sourceforge.net/stardict/babylon.php хаяг дээрх олон зуун толинуудаас татаж аваад Толь 5 суусан хавтсанд доторх dictionaries хавтас дотор задалж хуулна уу. Stardict-ийн өөрийн толь бичгүүд нь http://stardict.sourceforge.net/Dictionaries.php хаяг дээр байдаг. Түүнчлэн та www.computertimes.mn хаяг руу ороод зарим толь бичгүүдийг татаж авч болно.

-Хуулчихлаа, орж ирэхгүй байна, Яах вэ?

- Хуулсны дараа Толь 5-д холбох хэрэгтэй. Тохиргоо->Толь бичиг цэс рүү ороход Толь бичиг гэсэн цонх гарч ирнэ. Хоосон бичлэг сонгоод Суулгах товч дарна. Уг задалсан толь бичгийн *.ifo сонгож OK дарснаар орж ирнэ.

-Чагна гэсэн чагт ямар учиртай вэ?

- Хэрвээ та Чагна сонголтыг чагталсан бол дэлгэц дээрх дурын үг дээр хулганаа аваачаад 1.5 секунд болоход уг үгийг Толь 5 шууд авч тохирох орчуулгыг харуулна. Энэ функц танд түр зуур хэрэггүй болбол Чагна чагтыг авчхад хангалттай.

-Монголоор хайх уу?

- Хайна. Гэхдээ та монгол-англи зэрэг толь бичгийг суулгах хэрэгтэй. Гэхдээ энэ боломж нь Unicode текст дээр ажилладаг.

-Фонтны асуудал бий юу?

- Байх ёсгүй. Бүгдийг Unicode дээр хийсэн тул ямар ч тохиргоогүйгээр хэвийн ажиллах ёстой.

-Хэдэн толь байвал тохиромжтой вэ?

- Та 20 хүртэл толь бичиг суулган ашиглаж болох боловч өөрийн хэрэгцээндээ тааруулан 2-3 байхад л хангалттай юм. Түүнээс олон болчихвол хурданд нөлөөлөх болно. Хэтэрхий удаад байвал ядаргаатай шүү дээ.

-Ямар нэгэн алдаа гарвал яах вэ?

- Толь 5-ыг ашиглах явцад алдаа гарвал та info@computertimes.mnЭнэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. хаяг руу уг алдааны талаар мэйл илгээгээрэй. Түүнчлэн Тохиргоо->Шинэчлэх (Update) товчин дээр дарж сүүлийн хувилбараар шинэчлэх хэрэгтэй. Алдааны талаар мэдээлэхдээ зургийг нь хавсаргавал бүр сайн. Таны санал шүүмжийг тусгаад шинэчилсэн хувилбарыг гаргахыг хичээх болно.

-Үгийн хувирал дээр автоматаар ажиллана гэж юу гэсэн үг вэ?

- Babylon толийг ашиглахад хүндрэл учруулдаг нэг зүйл бол хувиралтай англи үгийг монгол толь нь авч чаддаггүйд байгаа юм. Жишээ нь cars гэхэд л англи-монгол толинууд нь ямар ч үг харуулддаггүй. Гэтэл энэ бол car гэсэн үгийн олон тооны хэлбэр шүү дээ. Толь 5 нь 20 гаруй хувирлыг чөлөөтэй хувиргаж зөв үгийг хайн харуулж чадна. Жишээ нь Stories->Story гэх мэт.

-Толь 5 миний програмыг халхалчхаад байна. Яах вэ?

- Энэ тохиолдолд Close товчин дээр дарж доош нь унагаж болох юм. Чагна сонголттой үед үг авахад автоматаар эргээд л гараад ирнэ.

-Програмыг яаж хаах вэ?

- Бүр гарахыг хүсэж байвал Тохиргоо->Гарах (Exit) командыг өгөх хэрэгтэй.

-Ямар үйлдлийн систем дээр ажиллах вэ?

- Windows 2000/XP/Vista дээр ажиллана. Unicode системтэй учраас Windows 98 дээр хэвийн ажиллахгүй.

-Толь бичгүүдийн байрлал хамаатай юу?

- Тийм, Уг дарааллын дагуу хайлт хийх бас цонхон дээр харуулдаг учир та хамгийн их хэрэгцээтэй толио хамгийн эхэнд гаргасан нь дээр.

-Салгах Идэвх, Хувирал гэсэн товчнууд ямар учиртай вэ?

- Салгах товчийг дарснаар тухайн толь бичгийг Толь 5 програмаас салгаж хамааралгүй болгоно. Идэвх дарснаар уг толийг ашиглахгүй. Хувирал нь орж ирсэн англи үгэн дээр хувирлын тооцоолол хийх эсэхийг шийднэ. Та энэ боломжийг англи-бусад хэл гэсэн толинууд дээр ашиглавал тохиромжтой. Stories (олон тоо) гэсэн үг орж ирэхэд яг энэ үгээр олдохгүй боловч Story гэсэн үг байх болно.

-Толины өмнөх хувилбаруудад байсан жижиг цонхыг хэрхэн гаргах вэ?

- Толь 5-аас эхлэн жижиг цонх байхгүй болсон.

-Үг хэлэх үү?

- Одоохондоо энэ боломжийг оруулаагүй. Шаардлагагүй гэж үзэв.

-Хятад-англи толь бичиг ашиглахад дөрвөлжин гараад байна. Яах вэ?

- Ийм тохиолдолд та Windows-ийнхоо Regional тохиргоог Хятад дээр тавих хэрэгтэй. Энэ нь хятад, япон зэрэг Азийн ханзтай хэлнүүд дээр шаардлагатай. Бусад програмуудад нөлөөлж магадгүйг анхаарна уу.

-Толь 5 үнэтэй юу?

- Толь 5 нь бүрэн хэмжээнд үнэгүй юм. Та цааш нь тараасан ч болно. Харин худалдаж болохгүй! Толь 5 нь ивээн тэтгэгчидтэй бөгөөд тэдний баннерыг та харах болно.

---