-Авлигатай тэмцэгчид ард түмний мөнгөөр тансагласныг эрхэм гишүүн баримтаар дэлгэлээ-

АТГ-тай удаан хугацааны турш "муур хулгана” болоод байгаа эрхэм гишүүн Л.Гүндалай эвлэршгүйгээр дайн зарлаж байгаагаа албан ёсоор мэдэгдлээ. Гишүүний бүрэн эрхийн хэмжээнд хүртлээ хэд хэдэн удаа өндрөө авсан дуулианы хөлд гэргий Л.Аззаяа нь өртөж хувийн компанийхаа ажил үйлчилгээг хэвийн явуулж чадахыг больжээ. Тиймээс эль эртнээс өөрөөр нь төдийгүй эхнэрээр нь оролдох болсон АТГ-ын хууль бус ажиллагааг баримтаар хариу барив.

АТГ-тай удаан хугацааны турш "муур хулгана” болсоор байгаа эрхэм гишүүн Л.Гүндалай эвлэршгүйгээр дайн зарлаж байгаагаа албан ёсоор мэдэгдлээ. Гишүүний бүрэн эрхийн хэмжээнд хүртлээ хэд хэдэн удаа өндрөө авсан дуулианы хөлд гэргий Л.Аззаяа нь өртөж хувийн компанийхаа ажил үйлчилгээг хэвийн явуулж чадахыг больжээ. Тиймээс эль эртнээс өөрөөр нь төдийгүй эхнэрээр нь оролдох болсон АТГ-ын хууль бус ажиллагаанд баримтаар хариу барив. Тэрээр Монголд сүр дуулиан болж байж шинээр төвхнөөд удаагүй байгаа тус байгууллагын дарга ажилтнуудын эрх дарх, дур зоргыг сангийн яамнаас өөрийн биеэр авсан санхүүгийн баримтын хамт онцгойлон дэлгэсэн юм. "Өнөө цагийн ногоон малгайтнууд” гэж гишүүний тодорхойлж буй АТГ-ынхан уг нь бол авилгын эсрэг хуулийн 29.5 зааснаар Авилгатай тэмцэх газрыг ажлын байр, шаардлагатай тоног төхөөрөмж, тээврийн болон техник хэрэгсэл, албан хаагчийг орон сууцаар хангах, авлигатай тэмцэх үйл ажиллагааны явцад туслалцаа үзүүлсэн этгээд, гэрчийг хамгаалах, тэдгээрт санхүүгийнтуслалцаа үзүүлэхтэй холбогдсон зардлыг улсын төсөвт тусгаж санхүүжүүлнэ. Гэтэл авилгаар халхавчлан ард түмний мөнгөөр дур мэдэн гараа угааж байр сав, хувцас гутлаа төлүүлж, тэр бүү хэл усанд сэлж, машиныхаа цонхыг хүртэл теньдсэн байх юм. Авилгатай тэмцэгч эрхэм дарга Ч.Сангарагчаа гэхэд л "Хаус интернейшнл” ХХК-д байрны мөнгө 55 саяыг шилжүүлжээ. Мань эр уг нь өч төчнөөн нарийн шалгуур шүүлтүүрээр орж энэ өндөр сэнтийд заларсан нэгэн. Орох оронгүй, оочих аягагүй товарищ уг нь суугаагүй байлтай. Хөрөнгө орлогын мэдүүлгэндээ бол хувьдаа орон сууцтай түүнд амьдрах тав тух нь ийн гологджээ бололтой. Хуулинд байхгүй үндэслэл шалтгаанаар айлын эхнэр "эргүүлдэх” болсон ноён Ч.Сангарагчаа улсын мөнгөөр туйлсан энэхүү байраа даруй суллахыг Л.Гүндалай гишүүн нэхэл хатуутай шаардав. Ийнхүү хууль зөрчин өөртөө болоод тойрон хүрээлэгчиддээ хувь хүртээн улсын мөнгөөр туйлсан авилгатай тэмцэгч ноён Ч.Сангарагчаа хөхөө өвлөөр гудамжинд гарах нь. Авилгын эсрэг хуулийн 4-р зүйлд шалгах хуулийн үйлчлэлд хамаарах этгээд нь Л.Гүндалайн эхнэр Л.Аззаяа биш, "Төрийн албан хаагч, төрийн өндөр албан тушаалтнууд, төрийн өмчийн байгууллагын албан хаагч, МҮОНРТ-ын дарга гэх мэт албан тушаалтнууд юм. АТГ-ын энэхүү хууль бус үйлдлийн талаар УИХ-ын АБГББХ-ноос материал хүргүүлээд 21 хоног өнгөрч байхад цагдаа болон прокурорын байгууллага шалгах ч үгүй, хэрэг ч үүсгээгүй байна. Хувцас, гутал, байр сав, машины цонхны наалт, усан бассейнд зарцуулсан олон зуун саяын тансаглалдаа албан ёсоор тайлбар хийхийг олон нийт хүлээж байна. Чононд хонь хадгалуулсан Монголын төр түмэн нүдээ ажиллуулаасай билээ.