Иософ Виссарионович Сталин

Дэлхийн түүхэн суут 100 хүний 66д явдаг Иософ Сталин нь 1879 онд Гүржид  гуталчны хүү болж. Тэрбээр нууц хувьсгалт бүлгэмд нэгдэж, 1903 онд Оросын Социал Демократ Ажилчны Намын большевик фракцын талд орж Владимир Лениний шавь болсон тэрбээр намд доогуур албан тушаал хашиж байгаад 1912 онд анхны Большевик Төв хороонд томилогдон 1917 оны Оросын хувьсгалаар большевикууд төрийн эрхэнд гарах хүртэл тайзны ард идэвхтэй ажиллаж байсан. Сталин Большевик засгийн газарт үндэстэн ястнууд болон төрийн хяналтыг хариуцсан комиссарын үүрэгт ажлыг гүйцэтгэсэн (1917-1923). 1922 оноос Сталин намын Төв Хорооны ерөнхий нарийн бичгийн дарга, улс төрийн товчооны гишүүн болсон. Энэхүү ерөнхий нарийн бичгийн даргын албан тушаал нь сүүлд дарангуйлал тогтоох эрх мэдлийнх нь үндэс суурийг бүрдүүлсэн. Ленинийг нас барсны (1924) дараа Сталин Лев Троцкий, Григорий Зиновьев, Лев Каменев, Николай Бухарин, Алексей Рыков зэрэг өрсөлдөгчдөө ялж, Зөвлөлтийн улс төрийн хяналтыг гартаа авчээ. 1928 онд тэрбээр Зөвлөлтийн эдийн засаг, нийгмийн бүтцийг эрс өөрчилж, олон сая хүний аминд хүрсэн Таван жилийн төлөвлөгөөгөө тунхаглалаа. 1930-аад онд тэрбээр Хядлага хийж, олноор нь цаазаар авах, цээрлүүлэх зэргээр эрх мэдэлд нь учрах аюулыг арилгаж дөнгөжээ. Дайны дараа тэрбээр Зүүн Европ дахь Зөвлөлтийн нөлөөг бэхжүүлж, Зөвлөлт Холбоот Улсыг дэлхийн их цэргийн гүрэн болгосон. Сталин дотоодын эсрэг үзэл бодлыг хянах улс төрийн харгис арга хэмжээ авч байсан. Ард түмэндээ аймшигтай их гарз хохирол учруулан байж Зөвлөлт Холбоот Улсыг дэлхийд нөлөөтэй гүрэн болгосон гэгддэг тэрбээр харгислал, айдас хүйдсийн зэрэгцээ аж үйлдвэржсэн цэргийн гүрэн үлдээсэн юм.

Владимир Ильич Ленин

Владимир Ильич Ленин  нь 1870 оны 4-р сарын 22нд төрж 1924 оны 1-р сарын 21д нас баржээ, уг нэр нь Владимир Ильич Ульянов бөгөөд хуурмаг нэр нь В.И. Ленин, Н. Ленин , Оросын хувьсгалч, коммунист улс төрч, Октябрийн хувьсгалын гол удирдагч, Зөвлөлт Социалист Бүгд Найрамдах Холбоот Улсын анхны тэргүүн. XX зууны хамгийн их нөлөө үзүүлсэн 100 хүний нэг. Түүний баримталж байсан үзэл бодол, онол, дэлхийн түүхэнд оруулсан хувь нэмрийг ленинизм гэдэг. Ленин орос оронд эхлээд хаант засгийг унагааж, үндсэн хуульт бүгд найрамдах улс байгуулах, дараа нь хамжлагат ёсыг халж, өдөрт 8 цаг ажилладаг хөдөлмөрийн хуваарьт шилжих, эцэст нь социалист хувьсгал хийж пролетарийн дарангуйлал тогтоох хэрэгтэй гэж хөтөлбөр боловсруулж хэрэгжүүлж эхэлсэн нэгэн юм. 920 оны 10 сард Москвад Монголын төлөөлөгчид ирж тусгаар тогтнолоо Орос улсаар хүлээн зөвшөөрүүлэх асуудлыг тавьжээ. Ленин Монголын төлөөлөгчдийн хүсэлтийг нааштайгаар хүлээн авч заавал социалист тогтолцоог сонгох хэрэгтэй гэдэг болзол тулгасан байна

Горбачёв, Михаил Сергеевич

Михаил Сергеевич Горбачев 1931 он 3-р сарын 2-нд Оросын өмнөд хэсгийн Ставрополь хязгаарын Привольное тосгонд орос-украин гэр бүлд төржээ. 1950 онд сургуулиа мөнгөн медальтай төгсөхөд нь Москвагийн улсын их сургуулийн хуулийн факультетад элсэлтийн шалгалт авалгүй, бүр ярилцлагагүй элсүүлжээ. Горбачев ажилчин-тариачин гаралтай, хөдөлмөрлөсөн хугацаа, Хөдөлмөрийн улаан тугийн одон зэрэг төр засгийн өндөр дээд шагнал хүртсэн, 10-р ангид сурч байхдаа ЗХУ-ийн коммунист намын гишүүнээр нэр дэвшсэн зэрэг нь ийм шийдвэр гаргахад нөлөөлжээ. "Чухам Москвагийн их сургуульд улс орны түүх, одоо болон ирээдүйг шинээр ухамсарласан урт удаан үйл явц эхэлсэн байна.”М.С Горбачев 1985 оны 3-р сард ЗХУ-ийн коммунист намын Төв Хорооны ерөнхий нарийн бичгийн дарга болжээ. Түүнийг төрийн эрхэнд гарах үет "өөрчлөлт шинэчлэлт” нэртэй улс орныг ардчилалд шилжүүлэх үйл явц эхэлсэн. Үүний хөдөлгөгч хүч нь "ил тод”, "нээлттэй” байдал байсан бөгөөд 1990 онд зөвлөлгийн түүхэнд анх удаа төр засаг парламентын засаглалд шилжих хөтөлбөр боловсруулсан юм. Михаил Сергеевич 1990 оны 3-р сарын 15-нд ЗХУ-ын ерөнхийлөгчөөр сонгогдсон байна. 1985-1991 онд өрнөд болон ЗХУ-ын харилцаанд эрс өөрчлөлт гарч, дайснуудаас түншийн хэлбэрт шилжсэн байна. "Хүйтэн дайныг эцэс болгож”, цөмийн зэвсэглэлээр үл хөөцөлдөх, Германыг нэгтгэхэд түүний үйл ажиллагаа чухал үүрэг гүйцэтгэсэн юм. М.С. Горбачевт гарамгай шинэчлэгчийн хувьд, их гавьяа байгуулсны төлөө 1990 оны 10-р сарын 15-нд Нобелийн шагнал олгожээ. М.С Горбачев 1991 оны 12-р сарын 25-нд төрийн тэргүүний бүрэн эрхээ шилжүүлсэн байна. Түүний улс төрийн үйл хэрэг үүгээр төгсөөгүй. Тэрээр 1992 онд Горбачев сан буюу нийгэм-эдийн засаг, улс төр судлалын олон улсын сан байгуулсан юм. Михаил Сергеевич Орос улсын улс төрийн амьдралд идэвхтэй оролцож байна. 1996 оны сонгуулийн үеэр түүнийг ОХУ-ын ерөнхийлөгчийн албан тушаалд нэр дэвшүүлсэн юм. М.С Горбачев тууштай социал-демократ үзэлтэй, 2001-2007 онд Орос улсын социал-демократ намыг байгуулсан байна. М.С.Горбачев 1992-2008 онд 50 оронд 266 удаа айлчилжээ. Тэрээр 300 гаруй шагнал, диплом, хүндэт жуух бичиг, гавьяаны тэмдэгтэй