---

Capcom-ын мэдэгдсэнээр бол удахгүй гарах Nintendo 3DS халаасны консолын тоглоомууд MT Framework хэмээх хөдөлгүүр дээр тулгуурлан бүтээгдэх гэнэ. Энэ хөдөлгүүр нь PC, Playstation 3, Xbox 360, Wii дээр гардаг тоглоомуудад ашиглагддаг. Юуг хэлээд байна вэ гэхлээр бидний тоглох дуртай сүүлийн үеийн тоглоомуудад байдаг "HDR lighting, real-time color correction, self-shadowing, normal mapping, depth of field, motion blur” гэх мэтийн боломжуудыг ашигласан сүүлийн үеийн маш өндөр зураглалтай тоглоомууд энэ алганы консольд зориулагдан гарна гэсэн үг юм. Бас дээр нь 3D дэлгэцтэй гэж байгаа. Уг консольд зориулсан Resident Evil 5-ийг өөрчилсөн хувилбар болох Resident Evil: Revelations тоглоомын тоглох үеийн зургуудыг хараад ямархуу чадалтай консоль болохыг та ойлгох болно.

Nintendo 3DS яг ямархуу хүчин чадалтай байх нь одоо болтол нууц хэвээр байгаа билээ. Харин сүүлд гарсан яг баттай бус мэдээгээр бол 266MHz dual-core ARM11 CPU, 133MHz-ийн GPU, 4MB-ийн тусдаа видео RAM, 64MB RAM, 1.5GB суурилсан багтаамж (мөн мэдээж SD карт нэмж болно) гэсэн үзүүлэлттэй байх юм байна. Ийм үзүүлэлттэй нь яг үнэн бол тийм ч их сүртэй лут халаасны консоль гэж хэлэхэд хэцүү л юм. Бидний мэдэх PSP-ээс нээх сүртэй хол тасарсан үзүүлэлт харагдахгүй л байна. Гэхдээ хос цөмтэй ARM CPU-ны хувьд бол өөр хэрэг шүү.