|
. Хятадын баруун хойд бүсийн Шандун мужийн Дэжоу хотод орших уг байгууламж 11-р сарын 27-нд нээлтээ хийсэн бөгөөд 75 мянган ам.дөрвөлжин метр талбайд баригджээ. Уг цогцолборт төрөл бүрийн үйл ажиллагаа явуулж болох бөгөөд өөрөөр хэлбэл үзэслэнгийн танхим, шинжлэх ухааны судалгааны багаж хэрэгсэл, тоног төхөөрөмж, хурал цуглаан, уулзалт болон бэлтгэлийн танхим, зочид буудал зэрэг цогц үйлчилгээг бүрдүүлжээ. Харин адгээр нь бүгд нарны эрчим хүчээр ажиллана.
Энэхүү цогцолборын гадаад загвар, дизайныг гаргахдаа нарны цагаас санаа авсан бөгөөд хятад хэлний "нар” болон "сар” гэсэн ханзны дүрсийг өөртөө агуулжээ. Байгаль орчинд хор хөнөөл багатай, хорт хий утааг багасгах зорилгоор тусгайлан бодож боловсруулсан уг барилгыг барих явцад Бээжингийн олимпийн "Шувууны үүр” цэнгэлдэхийг барихад орсон нийт ган төмрийн ердөө нэг хувьтай тэнцэхүйц хэмжээний ган зарцуулсан байна. Түүнчлэн сайжруулсан дээвэр болон хана тусгаарлагч нь ижил төрлийн байгууламжтай харьцуулахад 30 хувиар илүү хэмжээгээр нарны эрчим хүчийг хураах гэнэ.
|
