Ерөнхий боловсролын III сургуулийн (олны хэлж заншснаар Орос III сургууль) үдийн хоолонд 132 хүүхэд хордон эмнэлэгт хэвтэн эмчлүүлж байна. Хамгийн сүүлд авсан мэдээллээс эдгээр хүүхдүүдээс тав нь маш хүнд хордсон бөгөөд сэхээн амьдруулах тасагт хэвтэн эмчлүүлж буй аж. Албаны хүмүүсээс авсан мэдээллээр бол одоогоор хүүхдүүд ямар бүтээгдэхүүнээс хордлого авсан нь тодорхойгүй байна. Тус сургуулийн хоолны газраас авсан шинжилгээний хариу 73 цагийн дотор буюу ирэх даваа гаригт гарах гэнэ. Эмч нарийн хэлснээр хордлого авсан ч албан ёсоор мэдэгдэж, эмчид хандаагүй хүүхдүүд байх магадлалтай бөгөөд хэрэв хордлогын шинж тэмдэг илэрвэл яаралтай эмнэлэгт буюу Яаралтай түргэн тусламжийн 103 дугаарын утсанд хандахыг зөвлөж байна.