Манай урд хөрш БНХАУ радарт үл баригдах Chengdu J-20 хэмээх үл үзэгдэгч онгоц бүтээн 1 сарын 11нд туршилтын нислэг үйлджээ. Хэдийгээр онгоц бүрэн амжилт гаргаагүй байгаа ч 2017 он гэхэд АНУ - ын агаарын дайчин F22 - той тэнцэхүйц хүчирхэг онгоц бүтээх магадлалтай байгаа гэнэ .

Цахилгаан соронзон долгионы үелзлийг ашиглан онгоц,пуужин зэрэг нисдэг биетийн байрлал,хөдөлгөөн, хурдыг тогтоодог төхөөрөмжийг радар гэдэг.

Байлдааны онгоцны 5 дахь үеийн технологийг ашиглаж хийсэн энэхүү онгоц нь 1 хүний суудалтай, 2 хөдөлгүүрт байлдааны онгоц юм. Энэхүү онгоцыг Хятадын ардын чөлөөлөлт армийн нисэх хүчинд Чэнгдү Онгоц аж үйлдвэрлэлийн бүлгэм хийж өгчээ.

Хятадын ардын чөлөөлөлт армийн нисэх хүчин нь 330 мянга гаруй хүчин зүтгэгч 2500 гаруй агаарын хөлөгтэй Ази тивийн хамгийн хүчирхэг агаарын арми ба дэлхийд АНУ болон ОХУ - ын дараа ордог хүчирхэг арми юм аа.