Өмдний бүс татах өндөр нь эр хүний наснаас хамааралтай гэсэн дүгнэлтийг Debenhams гэх Британийн их дэлгүүрүүдийн сүлжээ гаргасан байна. Худалдааны сүлжээний төлөөлөгчийн танилцуулснаар өсвөр үеийнхэн бэлхүүсийн шугамаас 13 см-аар дор тэлээгээ татан нийгэмд өөрийн стиль болон тоомсоргүй зангаа харуулдаг гэнэ. Тэгвэл залуу хүн гэр бүл, ажилтай болоод эхлэхээр тэлээ дээшлэн гадаад төрх нь намбатай болдог байна. Британичууд 27 насандаа тэлээгээ бэлхүүсийн шугмаар зүүдэг ба тэр төвшинд 12 жил орчим тогтоод тэлээ дээшилж эхэлдэг гэнэ. Британийн 45 настай дундаж эрчүүд бэлхүүсээс хоёр дюйм буюу таван сантиметр дээр тэлээгээ зүүдэг. Тэр нь 57 насанд нь дахин гурван дюймаар буюу 7-8 сантиметрээр дээшилдэг байна. Ердийнхөөр бол эрэгтэйчүүд өмдөө хэт дээш татсан гэж боддоггүй харин нь хөл нь урт болон өмд нь богинодож байна гэдэг ажээ.