Гуравхан хоногийн өмнө өндөрлөсөн Хацу башёгийн чимээ шуугиан намжиж амжаагүй байхад Их аварга Асашёорюүг тойрсон нэг дуулиан дэгдлээ. Одоогоос ес хоногийн өмнө Өглөөний хөх луугийн тухай нэгэн мэдээлэл "FRIDAY” сонинд гарчээ. Тус сонинд бичсэнээр бол нэгдүгээр сарын 16-ны өглөөний 04.00 цагт Өглөөний хөх луутай холбоотой дуудлага цагдаагиинханд ирсэн байна. Тэд дуудлагын дагуу Токио хотын нэгэн цэнгээний газарт очиход Их аварга найзуудтайгаа сууж байсан бөгөөд тэрбээр өөрийн хувийн менежерээ шанаадаж унагаасан байна. Хувийн менежер гэх тэр залуу нь Такасаго сургуулийн эзний хүү ажээ. Их аваргын хохирогч болох менежер залуу иймэрхүү зүйл байж л байдаг хэмээн цагдаад гомдол гаргаагүй учраас дээрх үйлдэлд нь хэрэг үүcгэж мөрдөн байцаалт явуулах боломжгүй болсон байна. Гэхдээ Их аварга энэ хэрэгтээ уучлалт хүсчээ.

Харин Их аваргын энэхүү үйлдэлтэй холбоотойгоор Сумогийн зөвлөл хуралдаж хэрхэх талаар зөвлөлдөж, Их аваргыг сумогоос хөөх үү гэдэг дээр санал хураахад зөвхөн хоёр л хүн хөөх нь зөв хэмээн шийдсэнээр түүнийг энэ удаа сумогийн дэвжээнд үлдээжээ. Харин дахин нэг л удаа алдаа гаргавал уучлахгүй гэдгээ Сумогийн зөвлөл хатуухан мэдэгджээ. Үүнээс өмнө Их аварга таван удаа сануулга авч байсныг мөн мэдээлэлд дурдсан байна. Дээрх хэрэгтэй холбоотойгоор түүний дэвжээний багш Ояката Такасаго мөн уучлал гуйсан байна.

Б.Анар