|
Halloween-ий баярын түүх бусад бүх л баяраас ялгаатай нь зуу зуун
жилийн өмнөөс үүдэлтэй гэдэг. Бүр 2000 жилийн өмнөөс католик шашны зан
үйлээс үүссэн гэдэг. Halloween-ий баярыг 10 сарын 31-нд тэмдэглэдэг.
Энэ баярын нэр Halloween гэдэг үг нь Ирландын Hallow Еen гэсэн үгнээс
үүсэлтэй бөгөөд Тахилгын өмнөх зан үйл буюу Тахилгын өмнөх шөнө гэсэн
утгатай юм байна. Эрт үеэс энэ өдөр диваажинд байгаа бүх сахиусан
тэнгэрүүд Үзэгддэг гэж үздэгээс үхэгсдэд зориулан мөргөл уншиж, өргөл
өргөдөг байжээ. Эртний Гэйлчүүд /одоогийн Ирланд, Шотланд, Америк,
Канадчууд/ энэ өдөрийг зуны төгсгөл өвлийн эхлэл гэж үзэн, энэ ертөнц
буюу хүний ертөнц "нөгөө ертөнц"-тэй ойртож сайн муу сүнснүүд
ангуучилдаг гэдэгт итгэдэг байжээ. Янз бүрийн баг, хувцас өмсөн муу
сүнсгүүдээс өөрсдийгөө хамгаалдаг байсан байна
Хүмүүс Halloween-ий баяраар ганц бие эмэгтэйчүүд харанхуй өрөөнд суун толинд харвал заяаных нь хань харагддаг гэж итгэдэг байна. Хэрэв гэрлэхээсээ өмнө үхэх тавилантай бол толинд нь гавлын толгой харагддаг гэнэ. Тачигнасан шүд, чичирсэн өвдөг, хатсан хуурай уруул, хатаасан хулуу энэ бүхэн Halloween-ий гол бэлэг тэмдгүүд юм. Чөтгөр шулам, мангас, сүнс хий үзэгдэл зэрэг аймшигт бүхэн Halloween-тай салшгүй холбоотой. Шашны энэ зан үйл нь он жилийн явцад олон оронд түгэн дэлгэрэх явцад шашны уламжлалт хэв маягаас нэлээд өөрчлөгджээ. Харин залуучуудын хувьд энэ өдөр бие биедээ бэлэг өгөх, аймшигт дүрд хувиран бусдыг айлгадаг өдөр болон хувирсан байна.
|
