Саяхнаас зарим нэг телевизээр "Ноён солиот" гэх учир битүүлэг сурталчилгаа цацагдаж, энэ тухай хүмүүс янз бүрийн таамаг дэвшүүлэх болжээ. Тэгвэл ийм нэртэй нэвтрүулгийг сэтгүүлч Г.Алтантүрүү бэлтгэн хүргэхээр болоод байна. "Танайд хоноё" нэвтрүүлгээрээ олонд танигдаж. Тунгалаг бүсгүйн амьдралыг түмэнд ил болгосноороо чамгүй буян үйлдсэн тэрбээр нэвтрүүлгийнхээ сэдвийг өөрчилжээ. Өөрөөр хэлбэл, өмнө нь хүмүүсийн эгэл жирийн амьдрал, зовлон жаргалын тухай ярилцан айлд хонодог байсан бол үүнээс хойш нууцлагдмал, нийгмээс гадуурхагддаг иргэдтэй нүүр тулах аж. Тодруулбал, "муу нэртэй" гэгддэг хүмүүстэй уулзаж амьдрал, зовлон жаргалыг нь хуваалцахаар шийдсэи байна. "Ноён солиот" нэвтрүүлгийнхээ тухай Г.Алтантүрүү үүгээрээ би нийгмийн болж бүтэхгүй байгаа бузар булхайг дэлгэнэ. Мөн хүмүүсийн амьдралын хэв маягийг өөрчилсөн хүчин зүйлүүд, бодит амьдрал дээр тэд биднээс чухам юугаараа өөр юм бэ гэдгийг олон нийтэд хүргэхийг зорьж байна. Тэгээд ч тухайн хүмүүст өөрсдийгөө хэрхэн хамгаалж, яаж дасан зохицдог тухай илэн далангүй ярилцана. Хүмүүний амьдрах арга барил өөр ч гэлээ нийтлэг сонирхлоос ангид оршиж, бусдын болоод ирээдүйн сайн сайхныг хулгайлагч сайн нэртэй сайхан түүхтэй хумсаа нуусан муурнуудыг бид бишгүй л сонодог. Тэгвэл одоо бидний мэдэхгүй, бидний мэдэж ойлгох ёстой үнэний тухай, бид нэр хоч өгч өөрсдөөсөө тусгаарладаг тэр хүмүүс нийгэмтэй хэрхэн зохицон амьдарч байгаа тухай сонсох цаг болсон. Одоо би айлд хонохгүй харии хүмүүсийн сэтгэлд оногшино" гэсэн юм.