24-р тойргийн нөхөн сонгуульд нэр дэвшигчдийн суртачилгааны ажил явагдаад эхэлсэн. Хэвлэл мэдээллээр зөв сонголт хийцгээе намайг сонгоорой гэсэн олон суртачилгаан дунд бяцхан хүүхдүүдийн дүрээр өөрийгөө суртачилж байгаа сурталчилгаа бусдаасаа ялгарч олон хүмүүсийн анхаарлыг татаж байна. Мэдээж маркетингийн хувьд аргаа барсан хувилбар. Уг нь Сонгуулийн суртачилгаанд хүүхдүүдийг ашиглахгүй гэж хүүхдийн эрхийг хамгаалах байгууллагууд эсэргүүцдэг. Гэтэл Дуучин Жавхлан суртачилгаандаа бяцхан охиныг тоглуулж аргаа барлаа. Үүгээр зогссонгүй Ерөнхий боловсролын өсвөр насны сурагчиддтай уулзалт хийж өөрийнхөө дууг хамтдаа дуулж хүүхдийн дунд хүүхэд болж яваа сурагтай. Уг нь сонгуулийн сурталчилгаанд дуу хуур, шоу цэнгээнийг хасаад олон сонгуулийг ардаа орхиод удсан. Гэтэл дуучин маань өөрийнхөө давуу талаар дуулж хуурдаад хуулиа зөрчсөөр яваа гэнэ. Тэрбээр өөрийнхөө энэхүү аргаа тайлбарлахдаа “Хүүхэд бол  ирээдүйг авч явах хүмүүс учраас өөрсдөө л нийгмээ өөрчлөх ёстой ” гэж учир ойлгохгүй бодол нь тогтоогүй хүүхдэд өөрийнхөө ухуулгыг хийж яваа гэнэ шүү. Мэдээж хүүхэд бол ирээдүйг авч явах ёстой нь үнэн гэвч нийгмийг таньж амжаагүй байгаа хүүхдүүдийн тархийг угааж байгаа нь бас л ёс зүйд нийцсэн зүйл гэхэд хэцүү.

Мэдээж дуучин юм чинь хуулиа мэдэхгүй байх нь аргагүй гээд өмөөрчихье. Харин хуулийг нь зааж өгөх, зөвлөгч хэрэгтэй гэдгийг нь сонгуулийнх нь компанит ажлыг нь хийж гүйцэтгэж байгаа хүмүүс нь хэлж өгөөсэй дөө.

Г. Анир