DotA - г бүрэн хэмжээний тоглоом болгож байгаа гэдэг нь үнэн болох нь тогтоогдож албан ёсны сайтаа хүртэл нээгээд байгаа билээ. Warcraft 3 тоглоом дээр энгийн нэг тоглогч бүтээсэн map дэлхийн хамгийн их тоглогчтой онлайн тоглоом болж Warcraft 3 - ийг DotA гэдэг тоглоом болгоод л хувиргачихсан... Тоглоом энэ ондоо багтааж буюу оны сүүлчээр гарах болно, Алдартай Valve корпораци үүн дээр ажиллаж байгаа бөгөөд уг корпорацийн төслийн менежер Эрик Жонсон IGN сайтад ярилцлага өгчээ. Түүний хэлснээр бол DotA 2-ийн хөгжүүлэлтэнд Valve-ийн хийх гол ажил бол харагдах байдал, өнгө үзэмж, дүрслэл юм байна. Яг тоглоомын гол механизмд өөрчлөлт оруулалгүй бараг хэвээр нь байлгах бөгөөд үүн дээр нэмээд уг тоглоомыг огт мэдэхгүй шинэ тоглогчдод зориулж, амархан ойлгогдохоор болгох гэнэ.

---