ДОХ-ын вирусээр өвчилсөн 64 дэх тохиолдол өнгөрсөн долоо хоногт бүртгэгдлээ. Халдвар тээгч нь 30-аад насны гэр бүлтэй эмэгтэй бөгөөд нийслэлд оршин суудаг болохыг ХӨСҮТ-ийн Тандалт, судалгааны төвөөс мэдээллээ.

Тэрбээр сайн дураараа шинжилгээнд хамрагдаж, идэвхтэй тандалт судалгаагаар вирус тээсэн нь батлагджээ. ХӨСҮТ-ийн Хэвлэл, мэдээллийн албаны дарга Ч.Уртнасан "Вирус тээгч нэмж бүртгэгдсэн нь үнэн. Халдвар тээгч нь бэлгийн хэвийн амьдралтай, гэр бүлтэй эмэгтэй. Эрхэлдэг ажлыг нь нууцалж байна. Нөхрийг нь ДОХ-ын шинжилгээнд хамруулж байгаа” гэсэн юм.

Он гарсаар ДОХ-ын вирүсээр гурван хүн нэмж өвчилсөн бөгөөд тэдний олонхийг 20 гаруй насны, бэлгийн хэвийн амьдралтай ганц бие залуус эзэлж байгаа юм.

Э.Ариунзаяа