Цахим ертөнцийн хүчирхэг компаниудын нэг "Аррlе"-ийн хөрөнгө 76.4 тэрбум ам.долларт хүрч улсынхаа төсвөөс 2,7 тэрбумаар илүү гарчээ.
Саяхан АНУ-ын Сангийн яам тус улс 73,7 тэрбум ам.долларын хөрөнгөтэй хэмээн зарласан билээ. Харин "Аррlе"-ийн тэргүүн Стив Жобс дэлхийн хамгийн хүчирхэг эдийн засагтай улсынхаа төсвөөс ч их мөнгө хуримтлуулжээ.
Тус компанийн хөрөнгө жилийн эхэнд 7.31 тэрбум ам.доллар байсан бол гуравхан сарын дотор буюу зургадугаар сарын 25-ны байдлаар 125 хувиар өссөн байна.
Богино хугацаанд 75 тэрбумыг цуглуулж чадсан "Аррlе"-ийг мөнгөө юунд зарцуулах бол хэмээн олон улсын санхүүгийн шинжээчид таамаг дэвшүүлж эхлэв.
Судалгааны "Юнипер" төвийн шинжээч Даниэль Эшдаун "Мөнгөө хадгалах байх" гэсэн бол зарим нь "Бизнесийн өөр салбарт хүч үзэх стратеги төлөвлөгөө боловсруулахад", бусад нь "Технологийнхоо аюулгүй байдалд зарцуулна" зэргээр таамаглаж байна. Өөр нэг таамаглал нь "Netflix", "Ваmes аnd Nоblе" зэрэг санхүүгийн асуудалтай байгаа жижиг компаниудыг худалдан авч "Аррlе"-ийн сүлжээ үүсгэж магад гэх яриа юм. "Аррlе" компани "Мicrosoft-той хамтран Канадын "Нортел" пүүсээс патентын багц худалдан авахаар яриа хэлэлцээ хийж байгаа.
Хамтрагчид зургаан мянган патентад 4.5 тэрбум ам.доллар амлан "өгөөмөр" загнаж байгаа нь дээрх таамгийг дэвшүүлэхэд хүргэсэн байна.