Дэлгэрмөрөнг чадварлаг сайн дуучин гэдэгтэй маргах хүн гарахгүй биз. Байнга л олны хэл аманд өртдөг мань хүнийг эхнэртээ гар хүрч гэнэ. Төрийн цагдаа зодсон гэнэ гэх мэдээллүүд цацагдаж шүүх цагдаадаа тулаад багагүй хугацаа өнгөрсөн. Саяхан дуучин Дээгий шинэ цомгийнхоо хэвлэлийн бага хурлыг хийж сэтгүүлчидтэй найзлахаар шийдсэн гэдгээ ч нуусангүй. Бардам зан, догшин омгоосоо болж аавын хаалгыг татахаа шахсан тэрээр шалдаа бууж, их л ухаажсан бүр шинэ хүн болсон гэж өөрийгөө дүгнээд байгаа. Ямартаа ч хоёр жилийн тэнсэн ял авсан нь Дээгийгийн сэтгэл зүрхэнд гүн нөлөөлж, их л зүйлийг ухааруулсан бололтой. Тиймдээ ч удахгүй тохиох цагаан сарын баяраар "Монгол” нэртэй тоглолтоор настан буурлууддаа үнэгүй сюрприз барихаар их л завгүй яваа гэнэ.