“Цогт тайж” Монголын уран сайхны иног сэргээн засварлаж, дижитал хувилбарт шилжүүлэхээр киноны контратив хувилбарыг Францын талд хүлээлгэн өглөө.
“Цогт тайж” уран сайхны кино нь негатив, контратив, лаванд, дуу, дүрсний гэсэн таван төрлөөр Үндэсний төв архивын кино гэрэл зураг, дуу авианы баримтын төвд хадгалагддаг байна. Харин ямар ч тохиолдолд анхны хувилбар буюу негатив хальсыг гадагшаа гаргах юмуу бусдад өгдөггүй аж.
Харин хоёр улсын гэрээний дагуу хэрэгжиж байгаа төсөл хөтөлбөрийн хүрээнд “Цогт тайж”-ийг сэргээн засварлаж, дижитал хувилбарт шилжүүлэх гэж байгаа учраас хоёр дахь хуулбар болох контратив хальсыг өгчээ. “Цогт тайж” уран сайхны киног Францын соёлын яамны харьяа “CNC” кино архивын төвд сэргээн засварлах юм байна.

Ш.Эрдэнэ