|
Улсын
Дээд шүүхийн хяналтын шатны эрүүгийн хэргийн шүүх хуралдаанаар
Л.Батсайхан, Д.Биебаатар нарт холбогдох хэргийг ялтнуудын өмгөөлөгч
нарын гаргасан гомдлын дагуу хянан хэлэлцэв.
Л.Батсайхан, Д.Биебаатар нар 2008 оны арванхоёрдугаар сарын 18-ны орой
Говь-Алтай аймгийн Есөнбулаг сумын нутагт үйл ажиллагаа явуулдаг ХААН
банкны "Баяншанд” тооцооны төвөөс мөнгө хулгайлах шунахайн сэдэлтээр,
бүлэглэж, онц харгис хэрцгий аргаар аймгийн Нийгмийн даатгалын хэлтсийн
жижүүр, галчийн үүрэг гүйцэтгэж байсан М-ийг санаатай хөнөөжээ.
Мөн урьдчилан үгсэж тохиролцон ХААН банкны "Баяншанд” тооцооны
төвөөс мөнгө хулгайлахыг завдсан аж. Түүнчлэн Л.Батсайхан нь 2008 оны
аравдугаар сард аймгийн Хас банкны барьцаанд байсан Говь-Алтай аймгийн
Есөнбулаг сумын нутагт үйл ажиллагаа явуулдаг дэлгүүрийг иргэн
Д.Баянмөнхөд 1.350.000 төгрөгөөр зарж залилан мэхэлж бага бус хэмжээний
хохирол учруулсан байна. Улсын Дээд шүүхийн хяналтын шатны эрүүгийн
хэргийн шүүх хуралдаанаар дээрх хэргийг хянан хэлэлцээд Л.Батсайхан,
Д.Биебаатар нарт анхан болон давж заалдах шатны шүүхээс оногдуулсан
цаазаар авах онцгой ялыг хэвээр үлдээхээр шийдвэрлэв.
Д.Тэлмэн
| 
