|
Харин Бразилын цагдаа нар робот цагдаа нараас ч илүү чадвартай болжээ. 2014 онд болох Дэлхийн хөл бөмбөгийн аваргын тэмцээний бэлтгэл ажил болгоод тэд цагдаа нараа тусгай нарны шилээр "зэвсэглэжээ”. Энэ шил нь хормын төдийд хүнийг таньж тогтоох шидтэй юм. Энэ нүдний шил ганцхан секундын дотор 400 нүүр царайг гүйлгэх чадалтай ба нүүр тулсан бүх царай төрхийг мэдээллийн сан руугаа утасгүй холбоог ашиглан илгээдэг ажээ. Тэрхүү мэдээллийн санд дор хаяж 13 сая хүний царай төрх хадгалагдаж байгаа. Тэгээд мэдээллийн санд байгаа ижил төстэй царай төрхийг хайж тогтоогоод, нүдний шил рүүгээ буцаагаад илгээх ба ингэхдээ улаан өнгийн сигналыг дохио болгон явуулдаг ажээ. Уг хүнийг гэмт хэрэгтэн, эсвэл цагдаагийн эрэн сурвалжилж байгаа хүн мөн эсэхийг ийнхүү нүдний шил мэдээллийн сангаасаа хайгаад тогтоогоод өгөх юм. Ингээд сэжигтэй тохиолдолд цагдаа түүнийг үргэлжлүүлэн саатуулах ба бусад шаардлагатай үед цагдаа тухайн хүнийг мэдээллийн сан руугаа нэмж хадгалж авах боломжтой юм. Нүүр царайг буулган шалгах энэ технологи нь хүний нүүрний 46000 цэгийг жишин харьцуулах замаар тогтоодог болохоор алдаа мадаггүй хурдан ажилладаг байна. Нүдний шил хамгийн холдоо 50 метр хүртэлх зайд байгаа хүнийг ингэж шалгаж чадна
| 
