---

2008 онд гарсан Batman: The Dark Knight кино дэлхийг байлдан дагуулж IMDB - ийн шилдэг 250 киноны 10р байранд үзэгчдийн саналаар орж 2 удаа оскарын шагнал авсан гайхалтай бүтээл болсон билээ. Энэ киноны төгсгөл нь үзэгчдэд асар их сэтгэл хөдлөлийг төрүүлж шинэ ангийг тэсэн ядан хүлээх болсон билээ..

Тэр үедээ үзэгчид харанхуйн хүлэг баатар киног Batman - ы төгсгөл гэж үзэж байсан бол Кристофар Нолан албан ёсоор Batman - ы шинэ анги 2012 онд гарна гэж зарласан билээ.

2012 онд гарах киноны нэр нь The Dark Knight Rises буюу Харанхуйн хүлэг баатрын мандалт нөгөө талаар Харанхуйн хүлэг баатрын эргэн ирэлт гэсэн утгатай юм.

Кино нь Action, драм, гэмт хэргийн жанрт хамрагдах бөгөөд одоогоор нээлт нь 2012 оны 7 сарын 20нд хийхээр болжээ.

Batman - ы хуучин дайсан Жокер хорвоог орхисон ч түүний бас нэгэн том дайсан болох Ra's al Ghul энэ кинонд гарах бөгөөд Ra's al Ghul гэдэг нь Арабаар чөтгөрийн толгой гэсэн утгатай нэр юм.

Үзэгчдийн хамгийн их айж байсан зүйл бол гол дүр солигдох байсан ч Christian Bale үргэлжүүлэн Брүс Вэен буюу Batman - ий дүрдээ тоглохоор болжээ.

Киноны мөн нэг чухал зүйл нь шинэ ангид Catwoman буюу муур эмэгтэй шинэ дүрээр орж ирэх явдал юм.

Киноны гол гол дүрүүд ч шинэ ангиа орхихгүй бөгөөд харин ч шинэ дүрүүд нэмэгдэх учир шинэ анги үнэхээр сэтгэл сэргээсэн сайхан анги байх болов уу

---