Name: БАЙРОНИЗМ гэж тусгай урсгал хүртэл гарч байжээ
Item: БАЙРОНИЗМ гэж тусгай урсгал хүртэл гарч байжээ
Author: tsogtoo

Англи төдийгүй өрнө дахины утга зохиол, романтизмын гол төлөөлөгчдийн нэг Жорж Гордон Байрон нь 1788 оны энэ өдөр Лондон хотод төржээ. Тэрбээр 13 настайдаа язгууртны хүүхдийг сургадаг тусгай сургуульд орж, грек, латин хэл, эртний грек, ромын утга зохиол судлаад, дараа нь Кембрижийн их сургуульд орж 1809 онд дүүргэсэн аж. Байрон их сургуульд сурч байхдаа язгууртан дээдсийн ашиг хонжоо хайгч сувдаг сэтгэл, хоосон ёсорхог зан чанар, хуучныг үхширтэл баримталсан бялдууч занг шүүмжилсэн "Завтай цагтаа” гэдэг анхны шүлгийн түүврээ гаргасан нь ихэс дээдсийн зүрхэнд "шар ус хуруулж” эхэлсэн гэдэг. Тэрээр Европ дахинд аялаж ирээд "Чальд Гарольдын аялал” хэмээх уянга туульсын найраглал бичсэн нь түүнийг алдаршуулсан юм. Байрон уг найраглалаараа газар бүрт ард түмэн шаналан зовж байгааг урнаар дүрсэлсэн байдаг. Мөн "Абидосын бэр”, "Далайн дээрэмчин”, "Коринфийг бүсэлсэн нь” зэрэг найраглал уншигчдын дунд нэрд гарчээ.

Байроны уран бүтээл нь өрнө дахинд XIX зууны үеэс ихэд дэлгэрсэн романтизм чиглэлийн хөгжилд асар их нөлөөлснийг судлаачид үнэлсэн байдаг. Өрнийн уран зохиолд Байронизм гэж тусгай урсгал хүртэл гарч байжээ.

Тэрээр 1816 онд Грект очин тэр үед Туркийн эрхшээлд байсан Грекийн ард түмний эрх чөлөөний төлөө зэвсэгт тэмцэлд биеэр оролцож яваад жилийн дараа нас барсан юм.