Монголын телевизүүдийн хам­гийн анхны хамтын бүтээл бо­лох «Авъяаслаг Монголчууд» шоу нэвт­рүүлгийн бүртгэл 2011 оны дө­рөвдүгээр сарын 04-ний өд­рөөс эхэлсэн бөгөөд «Авъяаслаг мон­голчууд» шоуг SBN, Боловсрол суваг, NTV телевиз хамтран зохион байгуулж байна.

Үндэсний хэмжээнд зарлаж байгаа "Авъяаслаг Монголчууд” шоуны шалгаруулалтын үйл явцыг телевизийн шоу хэлбэрээр бэлтгэж, гурван телевизээр нэвтрүүлэх болно.
Шагнал урамшуулал:
Авъяаслаг Монгол хүн 1-р байр нэг хүн – Өргөмжлөл, 30 сая төгрөг
Шилдэг 15 оролцогч- Өргөмжлөл, Ивээн тэтгэгч байгууллагын шагнал.
Уралдааны зорилго:
Газрын хэвлийн баялгаас дутуугүй, газрын хөрсөн дээр бий болгож болох олон    баялаг, боломж бидэнд байгаа гэдгийг харуулах.
Энэ бүхнийг дагаад монгол хүн бүрийн эх орноороо бахархах, монгол гэдэг нэрээрээ гайхуулах оюуны их өөрчлөлтийг бид хийж чадна гэдгийг үзэгчдэд илүү өндөр давтамжтайгаар хүргэх.
Жинхэнэ авьяаслаг монгол хүнийг нээж, хөгжүүлэх, онол практикийн мэдлэгийг нь сайжруулан, түүнийг урамшуулан таниулахад  оршино.
Нэг: Үзүүлбэрийг шалгаруулах шалгуур үзүүлэлтүүд:
  Авьяаслагшийдэл
Тайзны уран чадвар
Зарлагдсан сэдвийн агуулгад нийцсэн байдал
Шалгаруулах хугацаа
Оролцогчийн өөрийн гараар бөглөсөн анкетыг 2011 оны 4-р сарын 15-ны  Баасан гарагийг дуустал хугацаанд хүлээн авна. Анкет хүлээлгэн өгсөн өдрөөс таны хувийн дугаар хүчинтэй болно.
Тусгайлан томилогдсон шүүгчдийн комисс 1-р шатны шалгаруулалтыг  2011 оны 4-р сарын 18-аас 2011 оны 4-р сарын 28- ны дотор хийгдэнэ.
2-р шатанд оролцогч тус бүр өмнөх үзүүлбэрээс сайжруулсан өөр үзүүлбэр бэлтгэн оролцох бөгөөд хоёрдугаар шат 05 сарын 11- нээс 05-р сарын 20-ны хооронд явагдана.
Эцсийн шалгаруулалт буюу шилдгийн шилдгийг нэрлэх шоу арга хэмжээ 2011 оны 5-р сарын 17-ны Лхагва гарагийн  20.00 цагт РЦНК-д эхэлнэ. /Шууд дамжуулна./ Шилдгийн шилдгийг үзэгчдийн мессеж санал, шүүгчдийн оноог нэгтгэн дүгнэнэ.
"Бүх одод- Авьяаслаг монголчууд”-ын хамтарсан шоу арга хэмжээ зохион   байгуулна.
Үзүүлбэрийг дүгнэх журам:
Ерөнхий шүүгчийг төслийн багийн санал хураалтаар сонгоно.
Шүүгчдийн бүрэлдэхүүнийг төсөл санаачлагчид, ажлын баг томилно.
Шүүгчдийн бүрэлдэхүүн нь үүсгэн байгуулагчид, санаачлагчид, хамтран ажиллагч ивээн тэтгэгч байгууллагуудын саналаар Монголд хүлээн зөвшөөрөгдсөн авьяаслаг уран бүтээлчдээс  бүрдсэн баг байна.
Шүүгчдийн хурлаар зохион байгуулалт, шалгаруулалтын журмын тухай хэлэлцэнэ. Шүүгчдийн хурал 2011.04.10 –ны өдөр "Төслийн баг”-ийн ажлын байранд болно.
"Авьяаслаг Монголчууд” шоуны нэг ба хоёрдугаар шатны шалгаруулалтад шүүгчдийн өгсөн "тийм ”, ”үгүй” онооны нийлбэрээс хоёр ба гурван  "тийм ” гэсэн үнэлгээгээр дараагийн үе шатанд тэнцүүлнэ.
Эцсийн шалгаруулалтад үзэгчдийн ирүүлсэн мессеж санал болон, шүүгчдийн үнэлгээг үндэслэл болгон шилдгийн шилдэг тодруулна.

Нэг: Монгол хүн бүрт, бусад үндэстэн, иргэдээс илүү нь үгүй гэхэд дутуу үгүй олон сайн чанарууд бий. Өрөөл бусдаас хамааралгүй, өөрөө л бүхнийг шийдэж, үүнийхээ сайн муу үйлийг өөрөө л үүрч хариуцах ухаан нь монгол хүмүүсийг, өрх гэрийнхээ эдийн засагч, сурган хүмүүжүүлэгч, эмнэн эмчлэгч, дэг жаягаа дээдлэгч,  болгон хөгжүүлж байсан аж. Чухам энэ л ухаанаараа монгол хүн  бусдаас бага хамааралтай, бие даасан, бүх зүйлийг хийж чадах эрмэлзлээрээ бусдаас ялгардаг байсан байж болох. Өөртөө итгэж, ” би үүнийг заавал хийж чадна” гэж зорьж бүтээж хөдөлмөрлөж чадвал заавал амжилтад хүрдэг. Үүнийг эргэн тойронд байгаа олон сайн жишээгээр нотлон харуулцгаая.
Хоёр. Монголчууд дуутай хууртай ард түмэн.Олон зуун жил төгөлдөржин баяжиж ирсэн урлаг соёл, ёс заншлаа  сурталчлахаас гадна, дэлхийн тайзан дээр зогсох боломжийг авьяастанд олгож, урлаг соёлоо шинэ нөлөөгөөр баяжуулан  хөгжүүлцгээе.
Гурав: Хүүхэд залуусыг төдийгүй бүх насныхныг  эх оронч бахархал, үндэсний үзлээр цэнэглэж, монгол овогтой авьяастныг Монголын 21 аймгаас тодруулж, Монгол орны хөгжлийн ирээдүй болсон хүүхэд, залуустаа өөрийгөө нээх, хөгжүүлэх сэдлийг нь төрүүлж, тулгамдсан асуудлаар нь зөвлөн туслах олон ажил зохион байгуулж, чөлөөт цагаа үр дүнтэй сайнаар өнгөрөөх боломжийн дор нэгдэцгээе.
Дөрөв: Монголын өнцөг булан бүрт суугаа бүх авьяаслаг иргэдийг өөрийн хүрээнд хамруулж болох нэвтрүүлгийн төсөл хэрэгжүүлэн өргөн нэвтрүүлгийн сүлжээ телевизүүдээр зэрэг нэгэн цагт цацах зэрэг далайцтай арга хэмжээг Монгол хүн бүр дэмжин оролцоно  уу.

Лавлах утас 1989