Windows-ын 64бит үйлдлийн систем, AVG антивирусын програм хэрэглэдэг, интернэт холболттой хүмүүсийн хувьд өчигдөр буюу 12 сарын 2-нд аймшигтай зүйл тохиолдсон бололтой. Учир нь уг үйлдлийн системтэй компьютеруудад өчигдрийн AVG-ийн update-ийг хийгээд Restart хийсний дараа уг компьютеруудын үйлдлийн системүүд шууд "амьсгал хураасан” гэнэ.

Хэрэгтэй файл, материалууд компьютерт нь байдаг хүмүүст нилээн төвөг удсан юм болжээ. Ер нь AVG Antivirus-ын update нилээн асуудалтай гарах тохиолдол байдаг бөгөөд өнгөрсөн 6 сард мөн нэг update суулгасны дараа компьютерууд интернэтэд холбогдох боломжгүй болсон тохиолдол нилээн гарч байсан байна.

Хэрвээ та яг өчигдөр AVG-ийн алдаатай update суулгаж хохирсон "хохирогч” бол үйлдлийн системийнхээ Safe Mode горимоор ороод AVG антивирус програмаа устгаад, шинээр суулгах шаардлагатай гэнэ.

Харамсалтай нь ихэнх хүмүүсийн үйлдлийн системүүд Safe Mode горим руугаа ч орохгүйгээр эвдэрсэн байна. Энэ тохиолдолд AVG-ийн Rescue CD-г өөр компьютерт татаж авч CD-д бичээд, уг CD-ээ хэрэглэж дахиж үйлдлийн системээ сэргээх шаардлагатай юм байна. Илүү дэлгэрэнгүйг AVG-ийн эх сурвалжаас аваарай.

Эх сурвалж: "Компьютер таймс”