Энэ дэлхий ертөнцийн хүмүүс бие биенээ хуурч, залилж дуусахгүй юм. Аргагүй дээ, хүн гэдэг чинь мөнгөнд дуртай амьтан юм чинь, ялангуяа бид үнэгүй юманд нугасгүй, зүгээр сууж байгаад л мөнгө олдог ажилд дуртай. Иймдээ ч одоо хүртэл эдгээр зүйлд хууртсаар л явна. Урьд нь хууртаж ханаагүй юм байх даа гэмээр. Нэг хэсэг Cashfiesta гээд л байдаг байсан, харин сүүлийн үед bux.to гэнэ үү бас нэг зүйлийн талаар их бичиж, уриалж байна. buxtofraude.wordpress.com/ эндээс зарим нэг зүйл олж мэдлээ.

 

Хэрвээ үнэхээр мөнгө олъё гэж бодож байвал google-ээс "is bux.to fraud or scam?" гэж хайлт хийвэл энэ талаар бүх мэдээллийг авах болно оо. Зүгээр л байж байгаад мөнгө олдог ажил гэж хаана ч байдаггүй юм шүү. Сугалаа юм уу, аз л гэж хааяа байдаг. Ингэж цагаа дэмий үрсэн хүмүүс энэ интернэтээр их байна. Тэр хүмүүсийн туршлагаас судалбал зүгээр. Мөнгө зүгээр олохыг тэгж их хүсээд байдаг юм бол үнэт цаасны арилжаа, форекс сонирхож судлаад, толгойгоо жаахан ажиллуулаад, эрсдэлтэй ч гэсэн ухаантай ажиллаж чадвал найдвартай хөрөнгө босгож чаддаг тэр мэтийн зүйлээр оролдох нь хамаагүй дээр шүү гэж зөвлөе.

---