Бидний сайн мэдэх 100 айл хавь ойрынхон нь сайн мэдэх чөтгөртэй байшин байдаг гэнэ. Дутуу баригдсан уг байшин далд эзэнтэй гэдэг нь олон удаа нотлогдсон байна. Шээс нь хүрсэн хүн хажуугаар нь явж байгаад "хүн амьтангүй юм” гээд бие засвал нэг их удалгүй хөл нь хугарч бэртэл авдаг байна.
Мөн дэргэдэх модноос нь мөчир авах, өвсийг нь зулгаасан тохиолдолд тухайн хүний гар хугарах явдал гарч багагүй хугацаа өнгөрчээ. Хүмүүсийн дам яриагаар дээхэн үед хятад хүн амьдарч байгаад өөд болсон аж. Уг газар нь хүнээс хүнд дамжин зарагдсаар, авсан хүмүүс нь хаяж явсаар өнөөдрийг хүрсэн аж. Хамгийн сүүлд авсан хүн нь хувийн орон сууц барьж байгаад чөтгөртэй байшин гэдгийг нь мэдээд барилгаа дутуу орхиод явжээ.
Орой үдшийн цагаар далд юмных нь үйл явдал илт мэдрэгдэж байшин чихарч дуугарах, хүмүүс ярих зэрэг сонин үзэгдэл болдог тухай хүмүүс мэр сэр ярьцгааж байна. Уг газрын үүх түүхыг бага сага мэдэх Содномцэрэнгийн ярьснаар бол уг чөтгөртэй байшин гэдгээс 200 метр газар бас хятад эмэгтэйн сүнс хорогдсон байдаг аж. Орой харанхуй бүрий болох цагаар цагаан халаадтай хятад бүсгүй ногт барьчихсан зарах гээд зогсдог гэнэ.
Тэр хятад эмэгтэйн сүнс хорогдсон газар бусдад ямар нэгэн сөрөг нөлөө үзүүлдэггүй аж. Сэжгээр өвдөж, Сүжгээр гэж ярьдаг. Хүмүүс чөтгөртэй байшинг байршил сайтай хэмээн худалдан авах сонирхолтой байдаг ч цагаа болохоор эзэмшээд авах хүн тодроогүй байгаа. Борооны дараах мөөг шиг лам нар олширсон өнөө үед хятадын сүнсийг дор нь хөөгөөд зайлуулчихмаар л юм. Магадгүй энэ чөтгөртэй байшин өнөөгийн лам нарын жинхэнэ лам мөн бишийг шалгадаг биз.